يا عيون بابا
اليوم كفيت السنة
العمر كله عمرمليان وهني
يا فرحتي يا ابني حكيت ومشيت
سن فوق وسن تحت امبينين
لما على شفافك بشوف بسمة هنائك
بنسى همومي وسهد عيني وضناي
بتصير تتراقص حوالي المنى
بأشكال حلوة والأماني ملونة
يا عيون بابا اليوم كفيت السنة
قد ما الأزهار بتحب الندا
قد ما العصفور بيحب الوداع
بحبك أنا وأنت النهاية والبداية
ولولا وجودك شو إلها طعم الدني
بعدك يا روحي طفل في قلب السرير
دنياك روض موشح بزهر وعبير
بكرة يا ابني متى صرت كبير بتصير يا ابني بي تعتني