كلمات اغنية غدارينغدارين مش بأقول لك غدارين
ليه يا قلبي تقول لي لا هم مين
لسه بتقول هم مين وأنت عارف دقه دقه
اللي فاكرهم حبايبي طلعوا مش حاسين بحبي
غدارين غدارين
أيه جري لك ياقلبي كل ساعه تقول حبايبي
أنت بتداري عليهم ولا فاكرني حأخبي
ليه بتخدع ليه في روحك
وأنت عارف أيه جروحك
بيع هواهم بيع عذابك قبل ما تضيع شبابك
ده الهناء عمره يومين والعذاب يومه بسنين
اللي فاكرهم حبايبي طلعوا مش حاسين بحبي
غدارين غدارين
قلبي ياللي بالخيال كل يوم تبني في آمال
الخيال مايجبش فايده والآمال قصر في رمال
ليه تفكر في النجوم والنجوم مش داريه بيك
ليه تدور ع الهموم والحبايب بتناديك
ده الهناء عمره يومين والعذاب يومه بسنين
اللي فاكرهم حبايبي طلعوا مش حاسين بحبي
غدارين غدارين
