كلمات اغنية الفارس الجحجاح ﺷﺪﻭﺍ ﻟﻴﻚ ﺭﻛﺐ ﻓﻮﻕ ﻣُﻬﺮﻙ ﺍﻟﺠﻤﺎﺡ
ﺿﺮﻏﺎﻡ ﺍﻟﺮﺟﺎﻝ ﺍﻟﻔﺎﺭﺱ ﺍﻟﺠﺤﺠﺎﺡ
ﺗﻤﺴﺎﺡ ﺍﻟﺪﻣﻴﺮﻩ ﺍﻟﻤﺎ ﺑﻴﻜﺘﻠﻮ ﺳﻼﺡ
ﺍﻟﺴﻢ ﺍﻟﻨﻘﻮﻉ ﺍﻟﻔﻲ ﺍﻟﺒﺪﻥ ﻧﺘﺎﺡ
ﻳﺎ ﻋُﺼﺎﺭ ﺍﻟﻤﻔﺎﺯﻩ ﺍﻟﻠﻌﻴﻮﻥ ﻛﺘﺎﺡ
ﺍﻟﻤﺎﻝ ﻣﺎﺑﻴﻬﻤﻚ ﺇﻥ ﻛﺘﺮ ﻭﺇﻥ ﺭﺍﺡ
ﺑﻄﻨﺎً ﺟﺎﺑﺘﻚ ﻭﺍﻟﻠﻪ ﻣﺎ ﺑﺘﻨﺪﻡ
ﻳﺎ ﺍﺳﺪ ﺍﻟﻜُﺪﺍﺩ ﺍﻟﻔﻲ ﺧﻼﻙ ﺭﺯﻡ
ﻳﺎ ﺭﻋﺪ ﺍﻟﺨﺮﻳﻒ ﺍﻟﻔﻲ ﺳﻤﺎﻙ ﺩﻣﺪﻡ
ﺑﺎﺑﻚ ﻣﺎ ﺃﻧﻘﻔﻞ ﻧﺎﺭﻙ ﺗﺠﻴﺐ ﺍﻟﻠﻢ
ﻣﺎﺑﺘﻌﺰﻡ ﺗﻘﻮﻝ ﻏﻴﺮﺇﺳﺘﺮﻳﺢ ﺣﺮّﻡ
ﺃﺑﻮﺍﺗﻚ ﺟﺒﻴﺮ ﺑﻴﺤﻠﻮ ﻟﻠﻌﻮﺟﺎﺕ
ﻣﻄﻤﻮﺭﺗﻚ ﺗﻜﻴﻞ ﻟﻠﺨﺎﻟﻪ ﻭﺍﻟﻌﻤﺎﺕ
ﻓﻲ ﺍﻟﺠﻮﺩ ﻭﺍﻟﻜﺮﻡ ﺇﻳﺪﻳﻚ ﺩﻭﺍﻡ ﺑﺎﺭﺯﺍﺕ
ﻳﺎ ﺃﺏ ﻗﻠﺒﺎً ﺣﺪﻳﺪ ﻓﻲ ﺍﻟﺤﻮﺑﻪ ﻣﺎ ﺑﺘﻨﻔﺎﺕ
ﻋﻴﻨﻴﻚ ﻳﺎ ﺍﻟﺼﻘﺮ ﻓﻲ ﺍﻟﺤﺎﺭﻩ ﻣﺎ ﺑﺘﻨﻮﻡ
ﺻﺪﺭﻙ ﻟﻠﺼﻌﺎﺏ ﺩﺍﻳﻤﺎً ﺑﻌﺮﻑ ﺍﻟﻌﻮﻡ
ﻓﻲ ﻭﺳﻂ ﺍﻟﻔﺮﻳﻖ ﻟﻠﻔﺎﺭﻏﻪ ﻣﺎ ﺑﺘﺤﻮﻡ
ﻻ ﺑﺘﻨﻼﻡ ﻭﻻ ﺑﺘﻌﺮﻑ ﺗﺠﻴﺐ ﺍﻟﻠﻮﻡ
ﻭﺩ ﻧﺎﺳﺎً ﻋُﺰﺍﺯ ﺟﻤﻌﻮﺍ ﺍﻟﻤﻜﺎﺭﻡ ﻛﻮﻡ
ﺗﻔﺨﺮ ﺑﻴﻚ ﺑﻨﺎﺕ ﺍﻟﺒﺎﺩﻳﻪ ﻭﺍﻟﺨﺮﻃﻮﻡ
