البنات البنات .. الطف الكائنات
غنوا يا تلميذات .. تافاتيفى تاتاتاااااا
قولوا يابختنا .. يابختنا يابختنا
قد ايه كلنا .. كلنا كلنا
فرحانين اننا
اتولدنا بنااااات
---
البنات حنينين .. كلهن طيبين
همهم خدمه بلدهم .. زيهم زى البنين
البنت زى الولد .. ماهيش كماله عدد
في الاحتمال و الجلد .. مذكوره ف المعجزات
---
البنات ناصحين تمام .. يسألوا الحاجة بكام
ينفعو وزراء مالية .. وإقتصاد مافيش كلام
البنت عين امها .. وابوها يحبها
والكل معجب بها .. في الحي والبلكونات
---
ياسلام على البنات .. الأروبة المدهشات
ذاكرة فوتوغرافيه .. كمبيوتر معلومات
يابنت يامؤدبة .. ياحلوة يامرتبة
وفي حتة الموهبة .. كم فينا من مبدعات