زيد فى صدودك وانا اسهر كتير
ما تنقص غروك انا شايفك امير
أمير على وعلى قلبى الكبير
انا عاذرك وحاتكي يا أجمل غرير
طالما انت ذاتك لى حسنك اسير
كل مناى سعادتك وما فكرت غير
أرعاك فى شرودك تكسب ليك نصير
يقنع بالامانى وبى حكم الامير
دنياك العريضة زهور تضحك معاك
جمال يحرس مشاعرك مفتون بيك براك
ورود تفخر بلونك تبغر من شذاك
تبسم ليك تغازل وتمرح فى رضاك
تنسيك الليالى وكل انسان سواك
وانا بينك وبين نار صدك مشتاق ليك كتير
يا أجمل عيون عاشت فى خيالى
أوحت لى أغنى وحبت انشغالى
قلبى الساهى لاهى مغامر ماببالى
قلبى الساهى لاهى عاشقك ما ببالى
تايه فى صدودك ومتجاهل لحالى
تايه فى غرورك ومتجاهل لحالى
وانا حاير فى تيهك ودلك وما عارف المصير