عاشق جمالك ياقمر عاشق جمالك
وإذاي أطولك ياقمر وأطلب وصالك
ليه الدلال ليه كل ده ياحلو يااسمر مش كده
دى الشمس أختك ياقمر والبدر خالك
باشتاق اليك وأسأل عليك نص الليالى
وأسهر وادوب فى الحب دوب يابو اسم غالى
وعشان عيونك السهر يحلى فى عينيّا
ياللى مافيش زيّك قمر فى الدنيا ديّه
يابدر ع الدنيا إكتمل قوللى فى هواك ايه العمل
خليك حنيّن ياقمر وإسعد زمانّا
وبلاش دلالك والنبى علشان خاطرنا
خللى المحبه والهوى من غير آسيّه
دا إنت حبيبى ياقمر وإنت اللى ليّا
إن جيت ح أغنى لجيتك وبروحى ح اسعد دنيتك
ليه الدلال ليه كل دا
ياحلو ياأسمر مش كده
دى الشمس اختك والبدر خالك