حبينا حبينا، حبيناكي حبينا
لو ما حبينا عيونك، لا تعذَّبنا ولا جينا
حبينا حبينا حبيناكي حبينا..
وقعنا بالحب وقعنا، وعا درب الهوى ضعنا
وياما وياما تلوَّعنا، وياما وياما تلوَّعنا
وياما وراكي مشينا
وحياتك منضحِّي الروح ومش ممكن بالسر نبوح
مطرح ما بدِّك منروح، مطرح ما بدِّك منروح
وين ما بدِّك ودِّينا
---
موَّال
ياليل غني الحب بعده بأوَّله خلِّي الحبايب يتقلوا ويتدلَّلوا
يا حلوة الحلوين حبي وسهري ده الحب بين الناس الله محله
يا ليل
---
حبيناكي من زمان، يا زهرة على غصن البان
حنِّي عالقلب الولهان، حنِّي عالقلب الولهان،
ويا حلوة توصِّي فينا
وحياة الطير الشادي الروح بإسمك بتنادي
حنِّي يا غزال الوادي، حنِّي يا غزال الوادي
وجوَّا قلبك خبِّينا
حبينا حبينا حبيناكي حبينا