قد الحروف اللي في أسامي العاشقين بحبك
قد الثواني والدقايق والسنين بحبك
قد الهموم اللي في قلوب البشر
قد العيون اللي كحلها السهر
قد ما قلبى اشتكى من نار حبك
قد ما ليلي حكى عن طول بعدك
قد الحروف اللي في أسامي العاشقين
قد الدموع اللي فى عيون المجروحين أنا بحبك
ليه القمر غالي عليا
يمكن عشان في نوره وبعده فيه حاجة منك
ليه الشتا في قلبي حزين
يمكن عشان برضو فى قساوته فيه حاجة منك
ليه السحاب بعشق بياضه
يمكن عشان زي قلبي في قربي منك؟
ليه المطر بيصعب عليا
يمكن عشان زي دمعي في بعدي عنك؟
ليه لما تبعد عن عينيا بخاف عليا
وبخاف عليك عليك وبرضو منك؟
ليه لما اشوف فى السما نجوم كتير منها بغير؟
يمكن عشان قد السما وقد النجوم بحبك بحبك؟ آه بحبك
قد ما قلبى اشتكى من نار حبك
قد ما ليلي حكى عن طول بعدك
قد الحروف اللي في أسامي العاشقين
قد الدموع اللي فى عيون المجروحين أنا بحبك
قلبى وعينيا يجرى ايه لو دمعة نزلت من عينيك في يوم عليا
يجرى ايه ايه لو طمنك خوفي عليك وخوفت يا قاسي عليا
يجرى ايه لو ليلة جربت السهاد؟ يجرى ايه لو عذبك طول البعاد؟
يجرى ايه لو يوم هجرتك وجيت تانى يوم قولتلي اني وحشتك؟
يجرى ايه لو عاتبتك وعاتبتني وسامحتني وسامحت نفسك!
يجرى ايه لو قولتلي
قد الحروف اللي في أسامي العاشقين بحبك