لفى البلاد يا صبيه
لفى البلاد
لفى البلاد يا صبيه بلد بلد
باركى الولاد ياصبيه
باركى الولاد
باركى الولاد يا صبيه
ولد ولد
ده المهر غالى
المهر غالى
واهم جابوه
لو نجم عالى فى السما
راح يقطفوه
يا فرحتك ساعه ما ييجوا
يقدموه
ويغنوا للفجر اللى ف عينيكى اتولد
ده النصر مهرك
النصر مهرك والعريس ابن البلد
لفى البلاد يا صبيه لفى البلاد
لفى البلاد يا صبيه بلد بلد
باركى الولاد يا صبيه
باركى الولاد
باركى الولاد يا صبيه
ولد ولد
مهرك ياحلوة اللي تاه واللي انسلب
كان مهر اغلى م الحياه ومن الدهب
كان عمرنا
كان ارضنا
كان دمنا
طاروا الولاد زى النسور
زى النسور
عدوا البحور
خطوا الجسور
خطوا الجسور
حالفين ما ييجوا الا ان جابوه
يا فرحتك ساعه ما ييجوا يقدموه
ويغنوه للفجر اللى فى عينيكى اتولد
ده النصر مهرك النصر مهرك
والعريس ابن البلد
لفى البلاد يا صبيه لفى البلاد
لفى البلاد يا صبيه بلد بلد
باركى الولاد يا صبيه
باركى الولاد
باركى الولاد يا صبيه ولد ولد