موصيلك بريق الصحو
في النجمات ،،
مكلم ليك انا الموجات
تقول لعيونك الحلوات
معديلك ،،
و جاي الرحله من شاطي النوي المهجور
معدي بحور
مهاجر ليك
مدثر بالفرح و النور
و لا انا حزنان متل اول
و لا الخاطر كمان مكسور
موصيلك ،،
طيور النورس العايده
تقولك
فارسك المغوار
برغم خطورة الابحار
و طول السكه و المشوار
و لفح الريح مع التيار
معديلك ،،
و جايب ليك من المنفي
البعيد تذكار
و جاييلك ،،
يقاسمك فرحة الميلاد
و يعيد جنبك الاعياد
كل الزاد ،،
نجيمة شوق تقرب
يومي للميعاد ،،،،