اغاني لحن
الفنانين حسب الحروف أ ب ت ث ج ح خ د ذ ر ز س ش ص ض ط ظ ع غ ف ق ك ل م ن هـ و ي
المزيد من اغاني عبدالحليم حافظ - اغاني مصرية
البوم معبوده الجماهير
اغاني البوم معبوده الجماهير - اصدار سنه : 1961



كلمات اغنية جبار
جبار .. في رقته جبار .. جبار .. في قسوته جبار
خدعتني ضحكته وخانتني دمعته
وما كونتش أعرف قبل النهارده
إن العيون دي تعرف تخون بالشكل ده
ولا كنت أصدق قبل النهارده
إن الحنان يقدر يكون بالشكل ده .. جبار .. جبار
عرفته قد ما عرفته ولا عرفتوش
وشوفته قد ما شوفته ولا فهمتوش
كان بيقوللي باحبك .. أيوه كان بيقول
وأنا من لهفة قلبي صدقته على طول
كنت أشوف وأسمع وأحس بقلبه هوه
كنت عايش مش عشاني عشانه هوه
وما كونتش أعرف قبل النهارده
إن العيون دي تعرف تخون بالشكل ده
ولا كنت أصدق قبل النهارده
إن الحنان يقدر يكون بالشكل ده .. جبار .. جبار
يا معلمني الحب ياريتني ما تعلمته معاك ولا شوفته
ليه تخدعني ليه خليتني أنسى الدنيا وأعيش بحلاوته
ده ما كانش في اتنين زينا شافوا اللي شوفناه في حبنا
الحلم كنا بنحلمه ونكمله من بعضنا .. ليه
ليه تصحيني في وسط الجنة بنار ودموع
كنت إرحمني وسيبني شوية أعيش مخدوع
وما كونتش أعرف قبل النهارده
إن العيون دي تعرف تخون بالشكل ده
ولا كنت أصدق قبل النهارده
إن الحنان يقدر يكون بالشكل ده .. جبار .. جبار
قلبي قول للحب إبعد عن طريقي
أي حب جديد ياويله من حريقي
لو ح أصادف قلب مخلص
مش ح آمن له وأصونه
وإن ضحك في عينيا ح أضحك
وأخدعه ويمكن أخونه
زي غيرنا ما باع نبيع عمر الهوى وعهده
زي قلبي ما ضاع تضيع كل القلوب بعده
ولا أقول لك .. لا يا قلبي
ليه نلوم على الحب ليه
ده اللي خانك خان شباب الحب
خان وجار عليه
يعني أنا والحب وإنت
كنا لعبة بين إيديه
وما كونتش أعرف قبل النهارده
إن العيون دي تعرف تخون بالشكل ده
ولا كنت أصدق قبل النهارده
إن الحنان يقدر يكون بالشكل ده .. جبار .. جبار