ما نرضاش يخاصم القمر السما
ما نرضاش تدوس البشر بعضها
ما نرضاش يموت جو قلبى نداه
ما نرضاش تهاجر الجذور ارضها
ما نرضاش قلبى جواي يغنى
لجراس تدق لصرخه ميلاد
تموت حته منى
الاجراس بتعلن نهايه بشر من العباد دى
الحكمه قتلتنى و حيتنى
و خلتنى اغوص فى قلب السر قلب الموت
قبل الطوفان ما يجى
خلتنى اخاف عليكى يا مصر و احكيلك على المكنون
مين اللى عاقل فينا مين مجنون
مين اللى مدبوح من الالم
مين اللى ظالم فينا مين مظلوم
مين اللى ما يعرفش غير كلمه نعم
مين اللى محنيلك خضار من فلاحين غلابه
مين اللى محنيلك عمار عمالك الطيابه
مين اللى بيبيع الضمير و يشترى و يشترى بيه الدمار
مين هو صاحب المسأله و المشكله و الحكايه و القلم
رايت كل شى و تعبت على الحقيقه
قبلت فى الطريق عيون كتير بريئه
اعرف بشر عرفونى لا لا معرفونيش قبلونى و قبلتهم
بمد ايدى لك طب ليه متقبلنيش
لا يهمنى اسمك لا يهمنى عنوانك
لا يهمنى لونك ولا بلادك مكانك
يهمنى الانسان و لو ملوش عنوان
يا ناس يا ناس هى دى الحدوته
يا ناس يا ناس هى دى الحدوته
حدوته مصريه حدوته مصريه
حدوته مصريه