وينك الدنيا عيد لا جيت لا عيدت حتى ان كنت بعيد الاصول راك نشدت جبر الخواطر نعمة لو درتها ف حسابك يبقي لعيدي طعمه لو جيت بعد غيابك لكن موتي عذرك من اللوم واخذ حذرك مش كيف ما وعدت
وين يا هلال افراحي كل المواسم مرت غيابك اسباب اجراحي ولا العين يوم انسرت مش كنت سر البسمة اللي ف دنيتي مرتسمه طعم الهناء فقدت
وينك العيد مودة وانا نعرفك وداد يا غايب عليا مدة بالك غيابك زاد مصعب عليا دربه ما مره فرحت بقربه اللي ع الجفاء ساعدت