طار قلبي مني وقال ماهو عايد
مادام مفارقك لي ارواحنا سايد
يا قلبي تعذيبك ماهو فايد
أصبر عسي المحبوب يبقي جايد
قال كيف اصبر وأنا جمري زايد
وكيف أسلي الغصن المن طبعه مايد
إذا الوداع يا قلبي وحبيبي
واهلا ضناي الحير طبيبي
فارقني حبي ارتاح يا رقيبي
ويانجوم سعودي اتلاش غيبي
دي المن دلالها دايما وجولة
قاسيه وطموحه ونافره وخجولة
شكت الالم من لمسان حجولة
وليه بي بعاده الأيام عجولة
مابنسلا ريدها مهما ازانا
بنعشق عفافها المازجه الرزانا
بنهواها موتنا اخر جزانا
اه لو تناجي قوبنا الحزانا
ضاعت قلوبنا الخلان نعوها
واسباب حزنا ليه ما وعوها
ياقلوبنا بالصد ما تدعوها
موتكم وداعها وهيا ودعوها
ايام فراق ستمايه ازعجونا
يا أيام اللقا آه لمتين تجونا
تعذيب ارواحنا بيها ومجونا
نظراتها المن دانا بعالجونا