كلمات اغنية اسفاي
وا أسفاي
وا أسفاي ؛
وحاتكم إنتو وا أسفاي
إرادة المولى رادتني
و بقيت غناي
أسوي شنو
مع المكتوب أسوي شنو
براهو الواهب العطاي
،،،،،
منو ؟
منو منو ؟
منو البدور يساهر الليل
يسافر
يسافر فوق جناح الشوق
يكوس نجماًُ بعيد ضواي
منو ؟
منو منو ؟
إذا وصفولو خط الكور
تلاقي قوافلو طول الليل
تشق التيه تجر النم
مع الحردلو بالدوباي
وا أسفاي
ببيع الدنيا
كل الدنيا وا أسفاي
عشان خاطر عيون حلوين
وا أسفاي
منابع الطيبة متجاوبين
و متسامحين
في السمحين
و أسافر
فوق صبي العين
معاكي سلامة
يا دنياي
يا دنياي يا دنياي يا دنياي
،،،،،
بتنكد
و بتوسد وسادة شوق
بنوم مرتاح و خالي البال
و أكابد تاني عهد صباي
عشان ما تبكي ببكي أنا
و أحاكي الطرفة
في نص الخريف بكاي
حمولي تهد جمال الشيل
و فايت في العتامين ليل
و متوكد عليك
يا الله دافر الويل
فريق البسمة إن لاح لي
بتتفتح مشاتل الريد
و أحسك جوة
جوة جوة جوة
زغرد فيها صوت الناي
وا أسفاي
وحاتكم وا أسفاي
،،،،،
أسفاي
أسفاي
أسفاي
إذا ما شفت ناس سمحين
يتاتو يتاتو
يتاتو زي قدلة جنى الوزين
يتاتو
تلاقي قلبي يرمح جاي
لما يتاتو يتاتو يتاتو زي
قدلة جنى الوزين يتاتو
حليل ؛ حليل
حليل ؛ حليل
الكان بعدي القيف
صبح محتار يكوس هداي
من ناس ديل
وا أسفاي
من زي ديل
وا أسفاي
إرادة المولى
رادتني و بقيت غناي
