بسيماتك تخلي الدنيا شمسية
في غمزة طفلة تتشرا تتصرا
إذا ضاريتك الأبنوس سنيناتك.. بسيماتك
وحياتك بشم ريحة الجروف
مغسولة بي وهج القناديل
واشوف برقا يغازل ومضو
سرا في عويناتك
بشوف شفع يأشرو للقميرة
التايهة دورين بالمناديل
ويلعبو فوق تلال خديكي
ومرجيحة ضفيراتك ..بسيماتك
بسيماتك تخلي الكون خمر عربيد
فرحة عيد
ورعشة نور مكحلة بي ستاير الليل
ورنة طبلة رقصت ليك
في خير الهوى العم العيش نرسل بشاشاتك
برنة طبلة رقصت ليك
نحس نشع شبابنا الطويل
ولا يوم بدخل آفاق بسيماتك