اغاني لحن
الفنانين حسب الحروف أ ب ت ث ج ح خ د ذ ر ز س ش ص ض ط ظ ع غ ف ق ك ل م ن هـ و ي
المزيد من اغاني عبدالحليم حافظ - اغاني مصرية
البوم وطني
اغاني البوم وطني



كلمات اغنية البندقية اتكلمت
بلدي .. بلدي يا بلدي
بكل حبي للحياة و لبلدي
و بكل بسمة فوق شفايف و لدي
و بكل شوق الفجر و شروقي
و بكل نبضة ثورة في عروقي
جيت لك و انا ضامم جراح الامس
حالف لارجع لك عيون الشمس
يا يا يا بلدي
جيش الظلام في يوم ما هاجم فجرنا
جرح السلام زرع الآلام في أرضنا
و قلوبنا داست عالجراح
و حلفنا ما نسيب السلام
إلا ان رجعنا بشمسنا
و ضحك لنا تاني الصباح
سكت الكلام و البندقية اتكلمت
و النار و طلقة في البارود شدت على ايدين الجنود و اتبسمت
و احنا جنودك يا بلدنا و حبنا
ماشيين على طول الطريق اللي رسمناه كلنا
ماشيين ماشيين
يا شعب يا واقف على باب النهار
قربت بصمودك طريق الانتصار
و زرعت من تاني الأمل في كل دار
و اتجمعت كل الأيادي
من كل بيت طلعت تنادي
على الطريق و تقول بلادي
بلادي بلادي بلادي انا نار تحرق أعاديكي
يا بلادي بلادي بلادي
أنا دمي اللي يرويكي
يا بلادي بلادي بلادي
من غيري اللي حيفديكي
يا بلادي بلادي بلادي
حاستشهد فدى أراضيكي
يا بلادي بلادي بلادي
ولا عمري أفرط فيكي
يا بلادي بلادي بلادي
و اموت و انا باهتف بيكي
يا بلادي بلادي بلادي
بلادي بلادي بلادي