حبيبتى يا حبيبتى ..ياللى فى اخر البلاد
بعدنا وانا وانت مش واخدين عالبعاد
وجايلك يا اميرتى ..عامل م الشوق سفينتى
وان كان البحر يعلا انا هاعمل سندباد..
ياموج البحر خدنى ..الشط مش بعيد
خدنى لعيون حبيبتى هى املى الوحيد
خدينى فى حضن قلبك ياحبيبتى وقربينى
انا محتاج حنانك ده شوق عمرى وسنينى
مهما طال البعاد انا جايلك فى الميعاد
وان كان البحر يعلا انا هاعمل سندباد
انا جاى بشوق ولهفة ..جاى لاجمل عيون
ومعاك يا احلى صدفة كله فى حبك يهون
يافرح العمر كله ياموالى وغنايا
هادوس عالصعب وامشى مادام قلبك معايا
مهما طال البعاد انا جايلك فى الميعاد
وان كان البحر يعلا انا هاعمل سندباد