كنا نتلاقى
كنا نتلاقى من عشية
ونقعد على الجسر العتيق
وتنزل على السهل الضبابة
تمحي المدى وتمحي الطريق
ما حدا عارف بمطرحنا
غير السما وورق تشرين
ويقلي بحبك أنا بحبك
ويهرب فينا الغيم الحزين
يا سنيني اللي رحتي ارجعيلي
ارجعيلي شي مرة ارجعيلي
وانسيني ع باب الطفولة
تا أركض بشمس الطرقات
يا سنيني اللي رحتي ارجعيلي
رجعيلي شي مرة ارجعيلي
ورديلي ضحكاتي اللي راحوا
اللي بعدا بزوايا الساحات
بتذكر شو حكيوا علي
لما نطرت وأنت نسيت
وصار الشتي ينزل علي
وإجا الصيف وانت ما جيت
يا سنيني اللي رحتي ارجعيلي
ارجعيلي شي مرة ارجعيلي
وانسيني ع باب الطفولة
تا أركض بشمس الطرقات
يا سنيني اللي رحتي ارجعيلي
رجعيلي شي مرة ارجعيلي
ورديلي ضحكاتي اللي راحوا
اللي بعدا بزوايا الساحات