سلم لي عليه واعرف جرى ايه
واسأل لي عينيه اه يجوا ويشفوني
بالروح حبيت وفي حبي قاسيت
وبدمعى بكيت من قلبي وعيوني
الشوق سهرني من يوم ماهجرني وفاتني لعذابي
ومره يحلى وعمري ما اسلى واحلف له بشبابي
مين غيره مين صبره روح فكره
شوف سهدى ودمع عينيَّ وشقايَ النهارده وبكرا
روح قول له يطل عليه واترجى عيونه بنظرة
كلمة عن حبي وأسايا وغلبي واسأله عن قلبي
طال بعده عليَّ وحرمني من نوره وشغلني عليه
ياسلام لو يجي يعاتبني ويقول لي مخاصمني ليه
انا ليَّ كلام وياه وانا مهما قاسيت في هواه
هافضل مستنى رضاه مستنى رضاه