كلمات اغنية البوسطجية اشتكوا
البوسطجية اشتكوا من كتر مراسيلي
وعيوني لما بكوا دابت مناديلي
روح يا قمر والنبي ع الحلو مسي لي
أبعت مراسيل، واكتب جوابات، واستنى، وأقول
لو غاب اتنين، راح ييجي تلات، والصبر يطول
والعمر اهه بيفوت، يوم ورا يوم، ما بشوفش خيالك، ولا في النوم
من كتر شوقي لكم أفتح فناجيلي
روح يا قمر والنبي ع الحلو مسي لي
لو ليا جناح أنا كنت أطير، وافرح بلقاك
دي الفرقة عذاب، وقساها كتير، يا ظالمني معاك
تسقيني المر كاسات في كاسات
ولا تبعت مرة، تقول سلامات
روح يا قمر والنبي ع الحلو مسي لي
