اغاني لحن
الفنانين حسب الحروف أ ب ت ث ج ح خ د ذ ر ز س ش ص ض ط ظ ع غ ف ق ك ل م ن هـ و ي
المزيد من اغاني علي الحجار - اغاني مصرية
البوم انا كنت عيدك
اغاني البوم انا كنت عيدك - اصدار سنه : 1989



كلمات اغنية لما الشتا يدق البيبان
لما الشتا يدق الببان
لما تناديني الذكريات
لما المطر يغسل شوارعنا القديمة والحارات
ألقاني جايلك فوق شفايفي بسمتي
كل الدروب التايهة تنده خطوتي
كل الليالي إللى فى قمرها قلبي بات
مش جاي ألومك ع اللى فات
ولا جاي أصحي الذكريات
لكني باحتاجلك ساعات
لما الشتا يدق الببان
كنا طفولة حب لسه في أوله
بنضم بإيدينا الحنين وبنوصله
خريف نادانا والشجر دبلان
بردانة كنتي وكنت أنا بردان
ضمت قلوبنا بشوق ولهفة نبضها
لما إلتقينا الخطوة عرفت أرضها
أجمل معانى الحب غنتها النايات
مش جاي ألومك ع إللى فات
ولا جاي أصحي الذكريات
لكني باحتاجلك ساعات
لما الشتا يدق الببان
تتصوري! رغم إننا شايفين طريقنا بينتهي
تتصوري .. لا عمري هاقدر ع الفراق
ولا إنتى عمرك تقدري
لسه حنيني بيندهك رغم البعاد
ولسه زهرة حبنا بتطرح ميعاد
لكن بيغرق حلمنا ف بحر السكات
مش جاي ألومك ع إللى فات
ولا جاي أصحي الذكريات
لكني باحتاجلك ساعات
لما الشتا يدق الببان