كلمات اغنية الطريق الصح
شيل الدين من الدنيا هتتحول في ثوانى لغابة
بس ازاي الناس هتقرب لو شايفينه كآبة
عارف ليه بيجلنا امل ودايما بيروح كالعادة
فاكرين الطريق الصح مفيهوش سعادة
نار او جنة الدنيا تعشها انت بتختار بإرادتك
لو ربنا قال لك ده غلط قالها علشان مصلحتك
اللي بيضحك للدنيا الدنيا هتضحك له زيادة
حب وخلي الكل يحب يا ناس ده الحب عبادة
!ايوه إكره أي غلط ومتكرهش الغلطان
كان ممكن تبقي انت مكانه، تكون في التوبة طمعان
او تايه ومحدش دله الصح طريقه إزاي
ادعيله ربنا يهديه، ويغير عمره الجاي!
عارف ليه بيجلنا امل ودايما بيروح كالعادة
فاكرين الطريق الصح مفيهوش سعادة
