يعنى ايه كلمة وطن يعنى ارض حدود مكان ولا حالة من الشجن ولا ايه شاى بالحليب على قهوة فى الضاهر هناك ولا نسمة عصارى السيدة ودير الملاك
نشع الرطوبة فى الجدار ولا شمس مغرقة برد النهار ولا امك و لا اختك ولا عساكر صحبتك والدنيا نار
يعنى ريحة يعنى صوت ايام بتشبه بعضها وسنين تفوت اما نسافر ويفصل بينا الف ميل بنسيب سنين الحب والعمر الجميل
ولا بناخد كل دول هزة فرح او غيم هموم
واحنا بنحلم بالوصول حتى فى عرقنا فى الهدوم بتهزنا حالة شجن هوه ده معنى الوطن