حَبِيتْهَا مَا لْڤِيتْ مِنْهَا مَنْجَى
جَادُولْهَا حَايِلْ صْعِيبْْ الوَلْجَه
حَبِيتْهَا و حَبِّتْنِي
صَافِيتْهَا بِسْرَايْرِي و صَافِتْنِي
بَعْدِتْ عْلِيَّا لاَ صُبْتْ لاَ صَابِتْنِي
بِغْبِينَه مَا لْڤِيتْ حَتَّى فُرْجَه
يَا رِيتْنِي لاَ شُفْتْ لاَ شَافِتْنِي
و لاَ رِيتْ لاَ هَمّْ لاَ نْكَدْ و لاَ هَرْجَه
حَبِيتْهَا مَا لْڤِيتْ مِنْهَا مَنْجَى
جَادُولْهَا حَايِلْ صْعِيبْْ الوَلْجَه
صَافِيتْهَا بِغْرَامِي
و رْمِيتْ نَفْسِي فِي جِهَنِّمْ عَانِي
لاَ حْسِبْتْ شُوكْ و لاَ حْجَرْ قُدَّامِي
نَا فخَّي مَا نِلْڤَاشْ مِنُّه خَرْجَه
كُلّْ مَا بْنِيتُه فِي زِّمَانْ منَامِي
كِي فِڤْتْ هَانِي عْثَرْتْ فْأوَّلْ الدَّرْجَه
حَبِيتْهَا مَا لْڤِيتْ مِنْهَا مَنْجَى
جَادُولْهَا حَايِلْ صْعِيبْْ الوَلْجَه