خيانه و انتهت اخر سوالف عشقى المجنون
في ليلة حلمي الوردي تحطم في نهايتها
في ذيك الليلة كان اهون علي احيا بدون عيون
و لا اشوف اللي شفته من حبيبة قلبي ساعتها
بعيني شفتها وياه تضحك له و اهو مفتون
سعادتها بقربه تشبه بقربي سعادتها
بعيني شفتها ماهو حكي واشي و خيال ظنون
بعيني ليتها عيني عمرها ما يوم حبتها
و قفت لسان حالي يقول ليه و من متى و شلون ؟!
عسى القى سبب يبرر لي خيانتها
خيانتها عطت حجة لكل اللي يبي يخونون
و من هالليلة كل خاين يتعذر بقصتها
مدام اوفى البشر خانت حرام الباقي ينلامون
و كلمات الوفى لا عاد احد يطري لي سيرتها
خيانة و انتهت اخرسوالف عشقي المجنون