عالورقة خرطشت شوى وعملتها شخطور زغير
وسفرتها بنبعت المي تتروح لعندك بكير (2)
بدى تهبلا شى نسمة وتسوقها لعندك
بلكى بتقرا عليها اسمى وبتذكر عهدك (2)
وبتكتبلى غنية وترجع تبعتلى هيى x2
نحنا نكتب والمي بتاخد وبتجيب مشاوير
قلتلها يا ورقة لعنده روحى صبحية
ولما بتوصلى لحده بتوقفى شوى
بلكى بيشوفك جاية وبيعرف بلحكاية (2)
بالقصة المخباية وبالبنت الل بتحبه كتير
وكتبتلك انى بحبك بريشة خضرا
وقلبى مصور حده قلبك ع وردة حمرا
وقلتلها يا شخطورة زقى متل العصفورة (2)
وقوليله لو بتزورا مدرى عندن شو بيصير
عالورقة خرطشت شوى وعملتها شخطور زغير
وسفرتها بنبعت المي تتروح لعندك بكير (2)