غصن الرياض المايد
يا الناحِلني هجرك وانت ناضر وزايد
جافينى ليك وأنا رايد
..............
يا غصن الريد المايد
ما اظن عن غرامك لو اموت لا احايد
سهران ليلى طايل و العين صحت ما جايد
تعبان قصدى ليمك وانت نافر و زايد
جافيتنى ليك انا رايد
.................
فى الجيل يا الجمالك سائد
عينيك لي جنود وانت ليهك قائد
يا النافر جفيتنى بنظره ... لى ماك عايد
شوفتك زى هلال العيد وفيهو اعايد
جافيتنى ليك انا رايد
............
انا وحبك ترعرعنا ونشانا ندايد
من زمنا قبيل ايام قلال وعدايد
ما خلص القديم تبين مصايب جدايد
حن يا حبيب كفانى مر العذاب وشدايد
جافيتنى ليك انا رايد
............
يا خُلاصة الحواري المن جِنان وخوالد
حُسنك ليك يدوم، لا أم تلِد لا والد
رافل في ظلال مجد التليد التالد
يا لابس العفاف حلي وعقود وقلايد
جافيتنى ليك انا رايد
............
عانيت فى اليالى هواك صنوف واحايد
مشكلة بين هواى وجفاك وانت محايد
ما ذنبى غير صوت النشيد ونشايد
فى مدحك بنيت قصر الرشيد الشايد
جافيتنى ليك انا رايد