تفرق كتير .. كتير كتير ..
أحبك الحب الكبير ..
بشكل لسة ..
مالوش نظير ..
أحبك الحب الكبير ..
وتحبني كدة حب عادي ..
زى حالة ناس كتير ..
تفرق كتير يا حبيبى ..
لا يا حبيبى لا .. تفرق كتير ..

تفرق كتير عواطفنا لبعض ..
فرق السما ف بعدها م الارض ..
الحب فوق كل ده يتحس ..
ما بينا احنا الاتنين بس ..
والنية والاحساس الاتنين ..
مش راح اشوفهم أنا بالعين ..
لكني هلمسهم بالروح ..
واحس بيهم امتي وفين ..
ما تحبنيش كدة .. حب عادى ..
زى حالة ناس كتير ..
تفرق كتير يا حبيبى ..
لا يا حبيبى لا .. تفرق كتير ..

ما أقدرش أقولك عايزة ايه ..
ويرضينى ايه ..
الحب ما يجيش بالكلام ..
ولا بالسكوت وازاى وليه ..
ما أقدرش أقولك ..
حتي وأنا معاك .. والايد ف الايد..
ايه معنى لقاك وشعورنا بعيد ..
لا ..
ما تحبنيش كدة .. حب عادى ..
زى حالة ناس كتير ..
تفرق كتير يا حبيبى ..
لا يا حبيبى لا .. تفرق كتير ..