لمحتك قلت بر آمن
بديت احلم
الملم قدرتي الباقية
واشد ساعد علي المجداف
تلوح لي مدن عينيك وترفع لي منارة بسمتك
سارية....وبديت احلم
وكل ما الريح تطارد الموج
يبقى جبال ضباب ازرق
ازيد اصرار...واحلف بيك
اغير سكة التيار
واقول ياإنتي... يااغرق
اخاف الضفة ترجع بيك
قبل الحق
اخاف غيم المنى الشايل ‏
تسوقو الريح ويتفرق
‏ اخاف.....اخاف
اشد ساعد على المجداف
واجيك بي قدرتي الباقية
حطام إنسان موسم بي شقا الدنيا
ومقسم قلبو في الاحزان
اجيك فنان اشد اوتاري
واحكيلك...حكاية إنسان
وهب لي سكتك نفسو
رسم صورتك على حسو
وربط ساعد على المجداف
وقال ياإنتي يا اغرق
اخاف الضفة ترجع بيك
قبل الحق ‏
اخاف غيم المنى الشايل ‏
تسوقو الريح ويتفرق
وألاقيك يا اماني سراب
مواهبي عليهو بتدفق
‏ اخااااااف
‎ ‎