كلمات اغنية صرخهلي وين و كيف لمتين...يا ضحكة ضاعت وين
يا حزن يا مرتاح.... بين الدموع و العين
تعبت معاك الروح
والليل حشد سهروا
شباك حلم مقفول
حرس المسافة يطول للفاتو ما رجعوا
يا سكة لبيتنا
يا عتمة يا مشوار
يا شارع الحِلة
ماضاعت الذكرى
للغابو و الحضرو
يا قمري يا قمرا
يا سنسن و حمرا
بسأل عن الأفراح و الخاطر المرتاح
عن دنيا فيها سماح عن الصباح الراح
لا ضو و لا أثرو
لي وين و كيف لمتين...يا ضحكة ضاعت وين
يا حزن يا مرتاح..بين الدموع و العين
علِمنا يا مسكين
ورينا عايش كيف
دي الريح و غول الزيف
بيشتتوا المطرة
والفكرة قولة الحق مكتوفة مُكتسرة
والخطوة نحوِك كيف
والسكة دي خطرة
أطفالنا و الأُمات...آمالنا و أحلامنا
الحسة والجايات
طوالي في وكرة
لكن دا كلو يهون
مهما الصباح مرهون
والفرحة محتكرة
البذرة مهما يكون حتبقى يوم شجرة
