عبد القادر يا بو علام ضاق الحال عليا
داوي حالي يا بو علام سيدي روف عليا
سيدي عبد الرحمن دير مجهودك و تحزم
و انت راجل قايم
فخديمك دير مزية
يا سيدي بو منجل انا في عرضك تامل
يا سيدي بو منجل انا في بردك نتأمن
يا سيدي الهواري السلطان الغالي
و اشفيني يا عبد الله سلطان العالية
دعواك ترجنلي يا يا ه يا ديك المبلية
راه خلاتني في حيرة هاد العشرة الطويله
يا داك الوالي اه روح داويلي حالي
سيدي عبد الرحمن داوي داوي