ياقلبي المكتول كمد اعصر دموع هات غنوة لي سيد البلد ياحليلو........
حليلو قال سايب البلد ياحليلو كيفن نسيبو يروح بعيد في رحله مجهوله الامد يحليلو .....
كل العمر كان لحظه واحدة نشوفو والشوق يتقد نسكر نغيب من لطفو من دلو الحبيب من لونو من كرز المغيب الرامي محلو الثمر في شفايفو زي ياقوت ندر في شكلو زي نص القمر انت مثير مخلوق عشان احلي الثغور اشواقنا تتعطر تطير من نفحه من مجري العبير من لفته من جيدو النضير من لفظه من ثغرو المثير بيهو القلوب كم تاتمر لومره سيد الناس امر بي نظره بتذوب حجر بي بسمه بتطول عمر ياحليلو
حليلو قال ناوي السفر ياحليلو .....
خلاني العن في القدر مالو القدر اهديتو اطنان السهر جرعني كاسات الكدر ماراعه للقلب الحنين الفيهو عايش من سنين
جوه الضلوع فرهد كبر ياحليلو...
حليلو قال ناوي السفر ياحليلو
قال ناوي السفر واااا غربة الفل والزهر وااا غربة النيل والقمر وااا غربه الطير في الشجر واا شوقنا لاناقة الشعر ياحليلو...
حليلو قال ناوي السفر كيف الوداع لمن يحين وقت السفر اهديك زهور حاشاي وانت ندي الزهر اهديك حروف يااجمل احرف في الدهر اهديك حنان ماقلبي عندك من زمان وانا راجي عطفك منتظر اهديك عيوني عشان استريح ما الدنيا بعدك مابتسر ياحليلو...