رح بكتبك يا حكاية على سطور
بلكي بتحملي عني يا ورقة
قصة قلب تعبان مكسور ع دروب رجعتنا الي محترقة
موعود فيكي يا انا موعود
طال الوعد عامفرق الملقى
لا عدتي و لا عاد فيي عود
ضاع الامل بعتمة الفرقة
شو بعد اتذكر تااكتبك اكتر
قد الدني انتي و لا انتي بعد اكبر
بعدو العطر غافي
و الطعم على شفافي
بعدو الامل عندي الامل
بكره الدني تصغر
عم برسمك خطوة بدرب مشوار
عحفاف ورقة من غصن كينا
عم بلمحك بخيوط شمسي نهار
متل الحلم غاب و نسينا
كبيرة الدني و فيها اسامي كتار
عم جرب دور على اسامينا
نور الامل صاير بقلبي نار
عم يحرق الباقي بليالينا
شو بعد اتذكر تااكتبك اكتر
قد الدني انتي و لا انتي بعد اكبر
بعدو العطر غافي
و الطعم على شفافي
بعدو الامل عندي الامل بكره الدني تصغر