يا مسافر على البوينق خذلي رسالة ..
والرسالة تعبر عن حنيني وشوقي
المواصل صعيبٍ ما يجي بالسهالة ..
والصبر وين اجيبه يا عذابي وعوقي
ليت قلبك عن المشتاق يعلم بحاله ..
كود يعطف ويرحم يا حياتي وذوقي
والله اني مصدٍ كان مالي وماله ..
لكن القلب يطرد هواه ويتوقي
اتصور طوال الليل صورة خياله ..
واذكر اسمه وانادي كل ما اصحى وافوقِ
ان تبدل لقى غيري وين القى بداله ..
عزة النفس وقلبي عليه محروقِ
يا مسافر على البوينق خذلي رسالة ..
والرسالة تعبر عن حنيني وشوقي