عدياني بكم ألالي
حافظ ف ضميري شروطكم
عشاگ ليكم مكسوب
فلة الشي مولاها محگور
غير لاتزيدو شي
ما يعرف بين صديگه وعدوه
ما يعرف الشي والماهو شي
أنا وانتو لحباب اثنين
وكانت مافيا نية غبرانة
وظهرتو عندكم تنساوني
عا تضرگ عنكم تنساوني
عدياني يا عدياني

رد بالك يا معشر الناس اليوم
ما بقات معاهم عشرة ولا محبة
آش را من لا را گلبك يكون غيظان
كاوياه الحگرة ب مسامر لجلا
كالگمري يلجموك بسروجهم لقوام
ويطلعو بزر يجربو الركبة
وأنت حالك ديما سقيم مشيان
ضاع شغلك ولا ف يومك يربا
بين اللوايح تبات محروم ولهان
وتنوح نواح موكة ف خربة

شحال من أصحاب درتهم كالسما ونجوم
وحضيت جمرهم لا يعود يبهى
غير نتبرم ينعتوني ب ف كل مذموم
ويغيرو حالي يوليو جربة
بعد الربحة يصيرو ذبحات بسموم
كالطيور يخطفو و يطيرو ب زربة
كالقطوط تموك و عل الطعام تحوم
كالديوك تعرش وتنقب نقبة

شحال من خلية درتها نويتها تدوم
وحين نوعى براسي نلگاها عطبة
غير يقل مالي وترجع زگوم
من بعد العشرة معاها تصير كذبة
ب نفايق ليا وانا غفيل مغموم
غير نسهى وتغير غيران كبة
كاللفعى تولي ف أيام الشوم
هازا نيابها وتسنى الضربة

غاصني بالقسم ف ذا الزمان مغموم
لاح گلبو ف ساحة لمعارك يتخبى
وحلفت ليام ب عذابه حتى تدوم
ضربة ب شواقر تنزل ضربة
كاوياه بالنيران والكي موشوم
حالته بالشيان مالكاه نكبة
وجيرته بالتيهان كالرسم مرسوم
ف قبور النسيان بانياه قبة