كلمات اغنية الموانيكله فى الموانى يابا.. آه على الموانى يابا
يا لقا الغريب على صدر الحبيب
يا شوق المسافر للمرسى القريب
يا وداع الصحاب وعودة اللى غاب
وفراق الأحباب وحيرة الأغراب
كله فى الموانى يابا.. آه على الموانى يابا
يا دمعة غريبة وبسمة حبيبة
يا مناديل تلوح للى قاصد غيبة
تتلاقى أيادى وتتفارق أيادى
وصوت الموانى فى العيون ينادى
كله فى الموانى يابا.. آه على الموانى يابا
يا انتظار طويل لوعته مواويل
يا لهفة بتنور فى القلوب قناديل
يا ألفين سلامة وكلمة بالسلامة
والموانى شجرة ودموع وأبتسامة
كله فى الموانى يابا.. آه على الموانى يابا
