كلمات اغنية رجعنالكرجعنالك
جينا غفرنا إنك بالوشايه
فصدت كبد الفرحه فينا
رجعنالك
و عينينا البكت فجعت
رموشها دموع سخينه
بفرح عودتنا رفت
زغردت كلمات حنينه
رجعنالك
عشان تاه الفرح من دارنا
رجعنالك،،
و إنت ديار فرحنا
رجعنالك،،
عشان ناحت سواقينا
رجعنالك،،
و بكت شتلات قمحنا
رجعنالك،،
عشان يسكت جرحنا
الإنت جارح قلبو بجراحاتنا إحنا
رجعنالك ،،
و كيف نرفض
رجوع القمره لوطن القماري
يا التقوقي علي نخيلاتنا القماري
و إنت واحش نيل وطنا علينا
شمت الصحاري
رجعنالك ،،
عشان إنت الجرف الفيهو شتلات حنه لفرح القبيله
رجعنالك ،،
عشان جرتقنا و سيرتنا و جديله
رجعنالك ،،
نغني فرحنا فيك و نقول عديله
يفرح الليل صندل يفوح يكسي القبيله
