جميل يامدلل قول لى
ليه بس حكم الغرام قد حلل
عذابى يدوم
ياجميل يامدلل
كل ما اطراك بالدموع اتبلل
جسمى صار منحول والمنام اتقلل
طرفى لى رؤياك دمعو كبَّر وهلل
جفانى النوم
والعقول تتخبل
والاديب فى الناس للقاك يتهبل
بين انى عزيز خفته فى المستقبل
هدى ليك الروح وانته بى ما تقبل

اكون مظلوم
بالعلى ماتجهل
ياحلو النغمات يالذيذ المنهل
نارى حارقه الجوف والمدامع تبهل
بعد هذا الحال هل وصالك يسهل
تحن ياظلوم
ليل ضفايرك مسدل
يارشيق القامة والمعاطف الهدل

القوام ممشوق والمعاطف جدل
داالمخلىإليك حُبى لا يتبدل
يذيد كل يوم
‏ فى هواك لو اعزل
‏ برضى لاانساك فى الجمال اتغزل
‏ والعجيبة كمان قلبى صار ليك منزل
‏ وانت فوق للقوس والسماك الأعزل
‏ ‏