ياصبر صبرك علي لاتخليني وتغيب
لاتصير انت مع خلي في غياب
ياصبر صبرك علي يمكن جروحي تطيب
ينتهي خوفي ويفارقني العذاب
جرحي بعده مابرى وعاذلي فيني درى
وشوقي لو كتبته حروف مايشيله كتاب
من بدى الغيبه وانا سارح فكري معاه
حولي كل الناس واحساسي اغتراب
دنيتي رحلة عناء والامل المح سنه
شبت من طول الجفاء وبعدي شباب
من رحل عني وانا عايش بحيرة وذهول
خطوتي عثرات وافراحي سراب
يومي بحسبة سنه وانسى مدري شقول
الالم صمتي ودموعي الجواب
جرحي بعده مابرى وعاذلي فيني درى
وشوقي لو كتبته حروف مايشيله كتاب