اغاني لحن
الفنانين حسب الحروف أ ب ت ث ج ح خ د ذ ر ز س ش ص ض ط ظ ع غ ف ق ك ل م ن هـ و ي
المزيد من اغاني محمد فوزي - اغاني مصرية



كلمات اغنية استعراض الزهور
الورد له في روايحه لغات تجمع بين النار والجنة
حاكم الزهور زي الستات لكل لون معني ومغني
دا لكل لون معني ولكل لون مغني
احب زهر البنفسج رمز الجمال الحزين
عبيره يفرح و يبهج و يسعد المحرومين
احب ريحته ولونه واجعل هداوته وسكونه هدية للي يصونه
ما تهادي بيه غير الجملات اللي العيون بيها تتهنى
حاكم الزهور زي الستات لكل لون معني ومغني
دا لكل لون معني ولكل لون مغني
اه من القرنفل دا ريحته تشغل ساحر و يسحر قتيل ويقتل
يجعل حبيبك هواه مشعلل ويكيد عزولك ويبات مفلفل
شقي وشقاوته سبب غلاوته راضي بحلاوته وادي حلاوته
ياللي تحب الحلويات شوف القرنفل واتمني
حكم الزهور زي الستات لكل لون معني ومغني
دا لكل لون معني ولكل لون مغني
اجمل هدية اقدمها لبنات بلدي
اقطفها من جنتك يا ورد يا بلدي
احمر فى يوم حرقتى ابيض فى يوم سعدي
اصفر من الغيرة على اللي سبب وعدي
قبل الميلاد بيسقوا الشربات يقدموا لك ليلة الحنة
حاكم الزهور زي الستات لكل لون معني ومغني
دا لكل لون معني ولكل لون مغني
صالح جودت