على فكرة ازيهم .. و ازي ضيهم
عنيك الحلوين دولا .. ما شفتش زيهم
علشان مقسوم لي هواهم
صادفوني في سكتي
حبيت من أول نظرة بسلامة نيتي
أتاريني كان مكتوب لي اتهى ف دنيتي
الدنيا احلوت لما بقوا هم غيتي
و بعدنا عنهم
لا شبعنا منهم
و لا طيقنا بعدعم
على فكرة ازيهم
أنا فاكر أول نظرة جه ف قلبي سهمها
قلبي دلوقتي فاكرها مش ناسي رسمها
حسيت من يومها بحاجة ما عرفتش اسمها
ما سبقش لقلبي صادفها و لا دقتش طعمها
و الفكرة انهم
ما كانش قصدهم
كان غصب عنهم
على فكرة ازيهم
مش لسه بنظرة منهم و بغمزة يحيروا !
مش لسه رموشهم برضه لو دابوا يسهّروا
دا انا لسه عينيا ليهم بيحنوا و يسهروا
و الا احنا عشان بعدنا ما بقوش بيفكروا
و لا حد يهمهم اكمني بحبهم
و اهو بسأل عنهم
على فكرة ازيهم