صباح الخير .. على الورد اللى فتح فى جناين مصر ..
صباح العندليب يشدى بألحان .. السبوع يامصر
صباح الخير على الورد اللى فتح فى جناين مصر
صباح العندليب يشدى بألحان .. السبوع يامصر
صباح الدايه واللفه ورش الملح فى الزفه
صباح يطلع بأعلامنا من القلعه لباب النصر
سلامتك يا اما يامهرة ياحباله ياولاده
ياست الكل ياطاهرة
سلامتك من الإم الحيض ومن الحمال ومن القهرة ..
سلامه مهدك المرضع .. سلامه بطنك الخضرا
هناكى وفرحه الوالده .. تضم الولد ياوالده ..
يصونهملك ويحميهم يكبرهم يخليهم
يجمع شملهم بيكى .. يتمم فرحتك بيهم ..
صباح الخير على ولادك ..
صباح الياسمين والفل ..
يعيشوا ويفنوا حسادك.. ويسقيهم كاسات الذل ..
ويالى بالطريق جايين .. مدامت مصر ولاده وفيها الطلق والعاده ..
هتفضل شمسنا طالعه .. برغم القلعه والزنازين
صباح الخير .. على الورد اللى فتح فى جناين مصر ..
صباح العندليب يشدى بألحان .. السبوع يامصر ..
صباح الدايه واللفه .. ورش الملح فى الزفه ..
صباح يطلع بأعلامنا من القلعه لباب النصر