كلمات اغنية رجعوا التلامذة يا عم حمزةرجعوا التلامذه
يا عم حمزه للجد تانى
يا مصر انتى اللى باقيه
و انتى قطف الامانى
لا كوره نفعت و لا أونطه
و لا المناقشه و جدل بيزنطه
و لا الصحافه و الصحفجيه
شاغلين شبابنا عن القضيه
قيمولنا صهبه يا صهبجيه
و دوقونا طعم الاغانى
رجعوا التلامذه للجد تانى
طلعوا التلامذه ورد الجناين
اسمع يا هيكل و شوف و عاين
ملعون ابوك ابن كلب خاين
يا صوت اميركا يا امريكانى
رجعوا التلامذه يا عم حمزه
للجد تانى
