كلمات اغنية كنت فين يا علي علي افندي بيغلط 1 غلطة
وبيرجع يدن على مالطا
علي افندي بيغلط 1 غلطة
وبيرجع يدن على مالطا
قبل الغلطة وخراب مالطا
قبل الغلطة وخراب مالطا
كنت فين يا علي والناس بتدور عليك
كنت فين يا علي والناس بتدور عليك
...
علي افندي مشهور في الحتة
متجوز ومخلف ستة
والست بتاعته يا حلاوتها الهنا بيرفرف على بيتها
قام حب عليها وسابها.. ايام وسنين تنذل
ولا يوم خبط على بابها ولا حن عليها وطل
جه علي افندي يوريها وشه ويقول غلطان
بعد ما زن على خراب عشه ويقول غلطان
طيب يا سي علي من قبل الغلطة
وقبل ما تخرب ستك مالطا
كنت فين يا علي والناس بتدور عليك
...
علي افندي كويس في وظيفته،
ومؤدب من يوم ما عرفته
له شغلة بقالو سنين فيها بمهية ما كان يحلم بيها
قام حب يزود مالو.. ويخلي القرش اتنين
ويقولو عقلو ومالو.. لو تلطشلك الفين
راح علي افندي السجن وخشه ويقول غلطان
بعد ما زن على خراب عشه ويقول غلطان
طيب يا سي علي من قبل الغلطة
وقبل ما تخرب ستك مالطا
كنت فين يا علي والناس بتدور عليك
...
علي افندي مبحبح في حياتو
وتملي سبور زي بناتو
فيه عنده حضارة ومدنية وشوية لحسة اوروبية
اول بنت بسلامتها.. رقصت على واحدة ونص
لو احكيلكم حكايتها.. اقعُد للصبح أرُص
راح للطير علي افندي يهشو ويقول غلطان
بعد ما زن على خراب عشو ويقول غلطان
طب يا سي علي من قبل الغلطة وقبل ما تخرب ستك مالطا
كنت فين ياعلي والناس بتدور عليك
